Каля Мілавідаў ушанавалі памяць касінераў Кастуся Каліноўскага

Памяць касінераў Кастуся Каліноўскага ўшанавалі прадстаўнікі шэрагу дэмакратычных грамадскіх арганізацый Баранавічаў. Амаль 40 чалавек сабраліся ў нядзелю каля помніка паўстанцам каля Мілавідаў. Менавіта там у 1863 годзе адбыўся буйны бой паміж касінерамі і расійскімі войскамі.  Пра тое, як праходзіла мерапрыемства, прысвечанае 145-м угодкам Мілавідскай бітвы, распавядае наш карэспандэнт Іван Юрашчык:

"У гонар і памяць тых, хто загінуў у час бітвы, гучалі малітва і вершы. Пра нашу гісторыю гаварылі прамоўцы, над галовамі прысутных луналі бел-чырвона-белыя сцягі. Гарэлі свечкі, клаліся да помніка кветкі".

Адзначым, што прадстаўнікі праваахоўных органаў ушанаванню касінераў Каліноўскага каля Мілавідаў не перашкаджалі.