КДБ: Сярод украінскіх бежанцаў, якія прыехалі ў Беларусь, баевікоў няма
Аб гэтым заявіў старшыня Камітэта дзяржбяспекі Валерый Вакульчык.
"Сярод тых, хто прыбыў сюды, мы такіх не бачым. Тыя, якія выклікалі сумневы ці пра якіх мы ведалі адназначна, што датычныя да гэтай дзейнасці, сюды не прыехалі", - сказаў кіраўнік КДБ.
Ён адзначыў, што баявыя дзеянні ва Украіне ствараюць пагрозу суседнім краінам, паведамляе “Інтэрфакс”. “Мы абавязаныя прымаць меры, каб уся гэтая зараза ня перакінулася на нашу тэрыторыю”, - падкрэсліў Вакульчык.
Нагадаем, што днямі МУС агучыла прыкладную лічбу украінцаў, якія пераехалі ў Беларусь ад пачатку актыўных баявых дзеянняў ва Украіне – 30 тысяч чалавек.
