Кітайцы заплацяць прызавыя беларускім алімпійскім чэмпіёнам і прызёрам

Беларускім чэмпіёнам і прызёрам Алімпіяды прызавыя выплацяць кітайцы. Пра гэта дамовілася дэлегацыя Нацыянальнага алімпійскага камітэту Беларусі, якая нядаўна вярнулася з Кітая. Паводле дамоўленасці з адной з кітайскіх фірмаў, беларускім алімпійцам будуць пастаўленыя 22 найменні спартыўнага адзення. Гэта першы падобны кантракт у гісторыі выступлення беларускіх каманд на Алімпійскіх гульнях.

Сумы прызавых складуць 10 тысяч долараў за залаты алімпійскі медаль, 5 тысяч – за срэбраны і 3 тысячы – за бронзавы.

Паводле словаў міністра спорту і турызма нашай краіны Аляксандра Грыгарава, свае прызавыя рыхтуе “з пазабюджэтных крыніц” і сам Нацыянальны алімпійскі камітэт.

Інтэрфакс