Лукашэнка хоча, каб якасць беларускіх аўтадарог была як у Нямеччыне

Забяспечыць высокую якасць пры будаўніцтве аўтадарогі вакол Белавежскай пушчы і ў краіне ўвогуле запатрабаваў Аляксандр Лукашэнка падчас наведвання Брэстчыны. Ён адзначыў, што ўкладанні ў дарожнае будаўніцтва будуць расці. Але якасць аўтадарог мусіць быць як у Нямеччыне.  "Калі пабудавалі дарогу, то каб без рамонта гадоў 15", — цытуе словы Лукашэнкі БЕЛТА. 

Таксама ён акцэнтаваў увагу на неабходнасць развіцця дарожнай інфраструктуры, найперш каля такіх прыродных аб'ектаў, як Белавежская пушча, возера Нарач, Браслаўскія азёры, якія прыцягваюць турыстаў.