Лукашэнка паставіў "двойкі" рэстаўратарам Нясвіжскага палаца Радзівілаў

З рэзкай крытыкай Міністэрства культуры і прадстаўнікоў будаўнічых арганізацый, якія займаюцца рэканструкцыяй палацава-паркавага ансамблю ў Нясвіжы, абрынуўся Аляксандр Лукашэнка падчас сваёй працоўнай паездкі.  У Нясвіжы кіраўнік дзяржавы заявіў: "Вам двойка, нават ацэнкі такой няма, каб ацаніць вашую працу. Вы ўжо 13 гадоў тут корпаецеся, і ў нас больш няма грошай для разбазарвання".

Лукашэнка жорстка паставіў міністру культуры Уладзіміру Мацвейчуку задачу завяршыць рэстаўрацыйныя працы да траўня 2010 года. Таксама ён прапанаваў міністру перасяліцца ў Нясвіж, каб іх прыспешыць, інфармуе "Інтэрфакс".