Масква абвінаваціла Кіеў у заахвочванні Грузіі да "ваеннай інтэрвенцыі"

У заахвочванні Грузіі да "ваеннай інтэрвенцыі" абвінаваціла Кіеў МЗС Расіі.
У распаўсюджанай заяве расійскага знешнепалітычнага ведамства гаворыцца, што Украіна не мае ніякага маральнага права прэтэндаваць на сваю ролю ва ўрэгуляванні грузіна-паўднёваасяцінскага канфлікту. МЗС Расіі адзначае, што ўкраінская дзяржава "ўзбройвала да зубоў грузінскае войска", паведамляе ИТАР-ТАСС.

Нагадаем, учора МЗС Украіны заклікала Расію вывесці свае войскі з тэрыторыі Грузіі.