Мінадукацыі адмовілася прывязваць плату за навучанне да інфляцыі

Нагадаем, што студэнты прапануюць прывязаць аплату за навучанне да інфляцыі і змяняць яе ўзровень толькі раз на год.

У адказе на зварот студэнтаў чыноўнікі заявілі, што такая прывязка немагчымая, перадае Радыё "Свабода". Змена выдаткаў на навучанне знаходзіцца ў залежнасці ад змянення ўмоваў аплаты працы выкладчыкаў і работнікаў устаноў адукацыі, у тым ліку змены тарыфнай стаўкі першага разраду.

Разам з тым ініцыятары лічаць, што дамагліся пэўных поспехаў. Яны нагадваюць, што ў сёлетнім красавіку мусіў адбыцца пераразлік аплаты за навучанне. Аднак гэтага не адбылося. Ініцыятары кампаніі мяркуюць, што на гэта мог паўплываць іх зварот у Мінадукацыі.

На фота bymedia.net — міністр Сяргей Маскевіч