Мінадукацыі вызначыла, колькі часу трэба школьнікам на хатняе заданне

Міністэрства адукацыі вызначыла, колькі часу павінны выдаткоўваць школьнікі на выкананне хатняга задання, перадае БЕЛТА.

Згодна з санітарнымі нормамі і правіламі, вучні другіх класаў павінны выконваць хатняе заданне не больш за 1,2 гадзіны, 3-4-х класаў — 1,5 гадзіны. У 5-6-х класах хатняя работа мусіць займаць не больш за 2 гадзіны, у 7-8-х — не больш за 2,5 гадзіны. Найбольш часу на хатняе заданне давядзецца аддаваць, вядома, у 9-11-х класах, але — не больш за 3 гадзіны. Першакласнікі вучацца без заданняў на дом.

Таксама хатнія заданні не павінны атрымліваць ніводзін школьнік на вакацыях. Ёсць і адзін навучальны прадмет, па якім не павінна задавацца хатняе заданне, — гэта "Асновы бяспекі жыццядзейнасці".

Чыноўнікі Мінадукацыі вызначылі, што на хатняе заданне можа задавацца толькі матэрыял, пройдзены на занятках у класе. Заданні павышанай складанасці вучням мгуць прапанаваць для самастойнага выканання толькі па іх жаданні.

Напрыклад, тыповае заданне па матэматыцы на дом для другакласніка — гэта стаць задача ці два слупкі прыкладаў. Па рускай (беларускай) мове заданне можа складацца з 15-17 слоў, пры гэтым практыкаванне не можа ўтрымліваць больш за адно дадатковае граматычнае заданне. Па літаратурным чытанні і прадмеце "Чалавек і свет" другакласнікі павінны прачытаць не больш як 1-1,5 старонкі тэксту.