Мінфін Беларусі да 1 ліпеня прадставіць ва ўрад праект бюджэту на 2010 год

Міністэрства фінансаў Беларусі павінна да 1 ліпеня 2009 года прадставіць ва ўрад праект бюджэту на 2010 год. Гэта прадугледжана пастановай Савета Міністраў.
Для падрыхтоўкі праекту будзе створаная міжведамасная працоўная група. Узначаліць яе намеснік прэм'ер-міністра Андрэй Кабякоў.

Група будзе каардынаваць працу па распрацоўцы праекту асноўных кірункаў бюджэтна-фінансавай палітыкі і выпрацуе неабходныя прапановы.

Пасяджэнні міжведамаснай групы рэкамендавана праводзіць па меры неабходнасці, але не радзей за адзін раз на месяц, інфармуе БЕЛТА.