Міністр замежных спраў Беларусі прымае ўдзел у Венскім форуме

13 лютага ў сталіцы Аўстрыі пачаўся Венскі форум па барацьбе з гандлем людзьмі. У яго працы прымае ўдзел міністр замежных спраў Беларусі Сяргей Мартынаў.
Мерапрыемства арганізуецца Упраўленнем ААН па наркотыках і злачыннасці ў рамках глабальнай кампаніі па процідзеянні гандлю людзьмі.

Асноўныя мэты Форума — павышэнне досведу міжнароднай грамадскасці па праблеме гандлю людзьмі, пошук інавацыйных падыходаў да яе рашэння, абмен перадавым досведам.

Запланаваны шэраг двухбаковых кансультацый Сяргея Мартынава з кіраўнікамі дэлегацый, якія прымаюць удзел у працы Форума, а таксама сустрэча з Генеральным дырэктарам Аддзялення ААН у Вене, Выканаўчым дырэктарам Упраўлення ААН па наркотыках і злачыннасці Антоніё Костам.

БЕЛТА