Мінскае "Дынама" пасля перамогі над "Спартаком" рыхтуецца да гульні з "Амурам"

У чэмпіянаце Кантынентальнай хакейнай лігі мінскае "Дынама" атрымала трэцюю перамогу запар. Мінская каманда перамагла "Спартак" з лікам 3:2. Пасля 14 матчаў на ліку "Дынама" 20 ачкоў (6 перамог у асноўны час, 1 па булітах і 7 параз у асноўны час, 34 закінутых і 38 прапушчаных шайбаў). 10 кастрычніка мінскі клуб выйграў у Чалябінску ў "Трактара" — 6:4, а 12 кастрычніка — у Екацярынбургу ў "Аўтамабіліста" — 3:1.

Наступны матч "Дынама" згуляе 20 кастрычніка дома з "Амурам". Наступныя тры матчы каманда Глена Хэнлана правядзе дома, у мінскім Палацы спорту. Як адзначае БЕЛТА, 20 кастрычніка дынамаўцы гуляюць з хабараўскім "Амурам", 22 кастрычніка — з новакузнецкім "Металургам", 24 кастрычніка — з новасібірскай "Сібір'ю".