Мінскія міліцыянты застрэлілі падазраванага ў злачынстве

У Мінску параненыя двое мінчукоў і супрацоўнік  міліцыі. Зламыснік  некалькі разоў стрэліў у 50-гадовага мінчука і яго жонку і схаваўся.  Прыбылыя на месца здарэння супрацоўнікі міліцыі апыталі відавочцаў, удакладнілі прыметы зламысніка і выйшлі на вуліцу. У скверы, размешчаным за домам, дзе адбылося злачынства, патрульныя заўважылі падобнага па прыметах мужчыну. Ён сядзеў на лаўцы і размаўляў па мабільным тэлефоне. Убачыўшы набліжэнне міліцыянтаў, мужчына  выхапіў  з-пад  курткі  пісталет і пачаў страляць у іх.

Адзін міліцыянт быў  паранены ў нагу. Па словах праваахоўнікаў, яны ацанілі сітуацыю і пераканаліся ў адсутнасці людзей, якія б маглі  пацярпець, таму прынялі рашэнне страляць у адказ. Зламысніка застрэлілі. Паводле папярэдняй  інфармацыі,  забітым з'яўляецца 58-гадовы раней неаднаразова асуджаны ўраджэнец Мінскага раёна.

Пацярпелы прапаршчык міліцыі змешчаны ў рэспубліканскі шпіталь МУС. Мужчына і жанчына таксама шпіталізаваныя.

Інтэрфакс