Мінюст: працэдура рэгістрацыі грамадскіх аб'яднанняў будзе спрошчаная

Беларускі парламент разгледзіць законапраект, які спрашчае працэдуру рэгістрацыі грамадскіх аб'яднанняў. Пра гэта "Интерфаксу" паведамілі ў Міністэрстве юстыцыі.
У прыватнасці, прадугледжваецца скарачэнне тэрмінаў разгляду дакументаў, якія паступаюць на рэгістрацыю. На ўзроўні закону будзе замацаваны абавязак рэгіструючага органа пры прыняцці рашэнняў аб дзяржрэгістрацыі новых грамадскіх аб'яднанняў адначасова здзяйсняць іх пастаноўку на ўлік у падатковых і іншых органах.

У Мінюсце падкрэслілі, што меры, якія прымаюцца дзяржавай, забяспечваюць рэалізацыю ў Беларусі правоў грамадзян на свабоду аб'яднанняў.