Мірны і Б’ёркман выйшлі ў чвэрцьфінал парнага разраду турніру ў Парыжы

Беларус Максім Мірны і швед Ёнас Б’ёркман выйшлі ў чвэрцьфінал парнага разраду турніру "BNP Paribas Masters" у Парыжы з прызавым фондам 2 мільёны еўра.
31 кастрычніка ў другім крузе турніру "пасеяная" пад 3-м нумарам беларуска-шведская пара перамагла Юргена Мельцэра (Аўстрыя) і Тода Перы (Аўстралія) — 7:5, 6:1.

Сапернікі Мірнага і Б’ёркмана ў чвэрцьфінале вызначацца сёння ў матчы французскага квартэта Арно Клеман/Мікаэль Лодра — Себасцьян Гражан/Жо-Вілфрыд Цонга.

БелаПАН