Міжнародная аўтатраса Брэст-Масква стане запасным аэрадромам

Запасным аэрадромам стане міжнародная аўтатраса Брэст-Масква. У нашай краіне працягваюцца комплексныя аператыўныя вучэнні "Восень-2008". Сёння ў вучэбным цэнтры Ваенна-паветраных сілаў і войскаў супрацьпаветранай абароны "Даманава" ў Брэсцкай вобласці ўпершыню адначасова будуць задзейнічаныя сухапутныя войскі, авіяцыя, СПА і новы, нядаўна створаны род войскаў - сілы спецыяльных аперацый. Як паведамляе тэлеканал СТВ, падчас вучэнняў будуць актыўна выкарыстоўвацца не толькі вайсковыя аб'екты.

Нагадаем, што сёння за вучэннямі будзе сачыць кіраўнік краіны Аляксандр Лукашэнка.