На аўтавакзалах Беларусі з’явіцца цэнтралізаваная сістэма продажу квіткоў

Цэнтралізаваная сістэма продажу квіткоў сёлета з’явіцца на 20 аўтавакзалах і аўтастанцыях Беларусі, у тым ліку і ў Мінску. Міністэрства транспарту і камунікацый паведамляе, што новаўвядзенне дазваляе пасажырам набываць квіткі як за наяўныя, так і з выкарыстаннем банкаўскіх пластыкавых картаў.

Акрамя таго, сістэма дазваляе пасажырам абыходзіцца без касіра, з дапамогай інфармацыйна-плацёжных тэрміналаў, якія ўстановяць на аўтавакзалах, поштах і ў банках.

Эксперыментальнае выкарыстанне новай сістэмы пачалося ў снежні 2007 года ў Магілёве, паведамляе “Інтэрфакс”.