На беларуска-польскай мяжы затрымалі "залаты" аўтамабіль

Амаль паўкілаграма залатых вырабаў спрабаваў вывезці ў Польшчу жыхар Гродна на сваім аўтамабілі "Рэно".  Беларускія памежнікі вырашылі яго дасканала праверыць, бо пабачылі, што ён даволі часта ездзіць за мяжу. І не памыліліся, бо натрапілі на сапраўдны скарб - у куртцы, барсетцы, бардачку, багажніку, дакументах і асабістых рэчах мужчыны было схавана больш за 180 залатых вырабаў.

Паводле папярэдніх падлікаў, кошт тавара складае больш за 26 мільёнаў рублёў, паведамляе газета "Рэспубліка".