На фестываль, прысвечаны Барадзінскай бітве, прыехалі гусары з Беларусі

Больш за 70 тысяч чалавек прымаюць удзел у сённяшнім фэсце на Барадзінскім полі пад Мажайскам у Расіі. Сярод іншых удзельнікаў ёсць і беларусы.  На фэсце гледачы змогуць паглядзець рэканструкцыю Барадзінскай бітвы 1812 года паміж расійскім і французскім войскам. Сюрпрызам сёлетняга фэсту арганізатары назвалі ў інтэрв'ю расійскаму Першаму тэлеканалу прыезд гусарскага беларускага палка. Рэканструктары ў ў поўнай выкладцы праехалі з Беларусі да Расіі.

Нагадаем, што ў вайне 1812 года беларускія фрамаванні ўдзельнічалі ў вайсковых дзеяннях з абодвух бакоў — як у складзе фарнцузскага, так і расійскага фойска.