На інвестфоруме Беларусь падпісала пагадненні больш чым на $2,5 мільярды

Па выніках інвестыцыйнага форуму ў Германіі Беларусь падпісала пагадненні больш чым на 2,5 мільярды долараў, паведаміў прэм'ер-міністр Сяргей Сідорскі.

Прэм'ер-міністр  выказаў упэўненасць, што падпісаныя пагадненні дадуць штуршок новым пагадненням.

Сідорскі падкрэсліў, што з інвестарамі дасягнуты дамоўленасці аб будаўніцтве прадпрыемстваў чорнай металургіі, шкляной прамысловасці, будаўнічай галіны. Ён адзначыў важнасць падпісання пагадненняў па развіцці ў Беларусі альтэрнатыўнай энергетыкі, паведамляе БелаПАН.