На месца дробных аварый ДАІ можа не выязжаць — Уладзімір Навумаў

На месца дробных аварый Дзяржаўтаінспекцыя можа не выязжаць, у выпадку, калі прычыненыя страты не будуць перавышаць пэўную суму.   З такой ініцыятывай плануе выступіць Міністэрства ўнутраных справаў Беларусі. Калі віноўнік аварыі прызнае сваю віну і пагодзіцца расплаціцца з пацярпелым, дык ДАІ не будзе супраць.

Паводле словаў міністра ўнутраных справаў Уладзіміра Навумава, такой максімальнай сумай стратаў маглі б стаць 100 долараў. Не выключана, што праблема будзе вырашана ўжо да канца года.

Інтэрфакс