На Смаленшчыне асудзілі мытніка, які прапусціў кантрабандыста з Беларусі
У Смаленскай вобласці пакаралі мытніка, які прапусціў машыну з ломам каляровых металаў з Беларусі. Паводле звестак следства, інспектар С. Пракапенкаў "па халатнасці" не
праверыў наяўнасць тавара ў грузавым аддзяленні "Мерсэдэса", які ехаў у
Расію. Аднак мытныя аператыўнікі мелі інфармацыю пра кантрабанду, таму
праз колькі метраў пасля мытнага паста аўтамабіль быў спынены, а
каляровы металалом знойдзены. Мытнік ад паказанняў адмовіўся. Тым не
менш, яго віна была даказаная і яго аштрафавалі на дзве тысячы долараў,
паведамляе сайт smolnews.ru.
