На сённяшні матч з “Барысам” мінскае “Дынама” выклікала Дзмітрыя Мялешку

Лепшы бамбардзір беларускай хакейнай экстралігі Дзмітрый Мялешка выкліканы з салігорскага "Шахцёра" у мінскае "Дынама".
Ён будзе рыхтавацца да сённяшняга матчу чэмпіянату КХЛ з казахстанскім "Барысам". У Салігорск адпраўлены нападаючы Павел Развадоўскі.

Дзмітрый Мялешка пачынаў перадсезонную падрыхтоўку ў мінскім "Дынама", але ў канцы жніўня разам з Яраславам Чупрысам і Арцёмам Дзямковым быў адкамандзіраваны ў салігорскі "Шахцёр", які з'яўляецца фарм-клубам сталічнай дружыны, інфармуе БЕЛТА.