На Віцебшчыне міліцыянты выратавалі школьніцу на пажары

Двое міліцыянтаў у Сянно на Віцебшчыне ўчора выцягнулі з палаючай хаты 13-гадовую дзяўчынку. Раніцай яны ехалі па справах, калі ўбачылі дым над дахам аднаго з дамоў.  Міліцыянты выклікалі пажарных, а пакуль тыя не прыехалі, схапілі вёдры і пачалі заліваць агонь вадой з калодзежа. Дом быў зачынены. Праз некалькі хвілін прыбег юнак і расказаў, што ў доме засталася яго сястра. Адзін з міліцыянтаў, выбіўшы дзверы, адшукаў спалоханую дзяўчынку і праз акно вынес яе на вуліцу. Школьніца не пацярпела.

Ядвіга Сташэўская, Еўрарадыё, Віцебск