Нідэрланды могуць застацца без цюльпанаў і бульбы

Нідэрланды могуць застацца без славутых[ цюльпанных палеткаў, калі Еўрасаюз прыме новыя правілы, што забараняюць выкарыстанне 120 гатункаў пестыцыдаў. Новыя правілы скіраваныя на прадухіленне кантакту фермераў з канцэрагеннымі рэчывамі, што змяшчаюцца ў пестыцыдах. Галасаванне ў Еўрапарламенце па гэтым пытанні прызначанае на студзень 2009 г. У выпадку увядзення новых правілаў даследчыкі Сельскагаспадарчага ўніверсітэта Вахенінгена прадракаюць галандскаму сялянству заняпад. Так, гаспадаркі, якія спецыялізуюцца на гадоўлі цюльпанаў, будуць губляць каля 3 еўра з кожнага га, фінансавыя страты з гектара бульбы, складуць 31%, цыбулі — 91%. Пацерпяць і вытворцы агуркоў, памідораў, руж і хрызантэм.
БелаПАН