Па справе аб аварыі ў маскоўскім метро затрымалі двух чалавек
Гэта дарожны майстар службы шляху ГУП "Маскоўскі метрапалітэн" Валерый Башкатаў і яго памочнік Юрый Гордаў.
Іх падазраюць у парушэнні патрабаванняў транспартнай бяспекі, паведамляе ria.ru са спасылкай на афіцыйнага прадстаўніка Следчага камітэта Расіі Уладзіміра Маркіна.
Па яго словах, затрыманых ужо дапыталі. Бліжэйшым часам следства плануе выставіць ім абвінавачванне і абраць меру стрымання.
Нагадаем, што ў аўторак пасля рэзкага спынення цягніка метро тры вагоны сышлі з рэек. Паводле апошніх звестак, загінулі 22 чалавекі, пацярпелі 158, прычым 146 з іх шпіталізаваныя.
Фота — ria.ru
