Пачалася эвакуацыя беларусаў з сектара Газа

Пачалася эвакуацыя беларусаў, а таксама грамадзянаў Расіі, Украіны і Казахстана з сектара Газа. Пра гэта паведаміў расійскі амбасадар у Палестынскай аўтаноміі Аляксей Пагодзін. Як раней паведамляў беларускі консул у Ізраілі Сяргей Палагін, з’ехаць выказала жаданне толькі адна грамадзянка нашай краіны і двое яе дзяцей.

Усяго ж амбасада мела размову з 14 беларусамі - чатырма жанчынамі і 10 дзецьмі. З іх толькі адна жанчына выказала жаданне пакінуць сектар Газа, яна і яе дзеці былі ўнесены ў спісы для эвакуацыі. На дадзены момант да прапускнога пункта Эрэц пад’язджаюць жадаючыя з’ехаць. Адтуль бежанцаў даставяць у Іарданію, дзе іх забярэ самалёт расійскіх ратавальнікаў.

Нагадаем, першыя сем грамадзян Беларусі, эвакуяваныя з дапамогай расійскага МНС з сектара Газа, прыбылі ў Мінск 22 чэрвеня.