Палівальная машына на МКАД зрашэціла шэсць аўтамабіляў (відэа)
Прычынай ДТЗ на Мінскай кальцавой аўтадарозе стаў неабдуманы ўчынак кіроўцы палівальнай машыны.
Каля 15-й гадзіны палівальная машына ехала па крайняй левай паласе па вонкавым боку МКАД ў раёне вуліцы Прытыцкага, чысціла дарогу, перадае БЕЛТА. На падзяляльным участку пад загараджальнымі турнікетамі за зіму назапасілася шмат бруду, камянёў, пяску. Шафёр накіраваў струмень вады проста туды, і ўсё гэта дарожнае смецце з велізарнай сілай паляцела на процілеглую частку дарогі — па аўтамабілях, якія там ехалі. Пакуль кіроўцы на ўнутраным кальцы зарыентаваліся, брудны струмень сур'ёзна пашкодзіў 6 аўтамабіляў, сярод якіх "Аўдзі А6", ГАЗ, "Фіят" і "Пежо" і 2 аўтамабілі маркі "Форд". Пры гэтым кіроўца палівальнай машыны з месца здарэння спешна ўцёк.
Зараз інспектары ДАІ высвятляюць асобу кіроўцы палівальнай машыны, апытваюць сведкаў. Таксама высвятляецца, ці павінны былі камунальныя службы вычысціць сабранае пад падзяляльнымі турнікетамі дарожнае смецце.
Фота — respublika.info
