«Паўстанне малп» пакажуць ужо ў наступным годзе

Здымкі рымейку фантастычнага фільма дакамп'ютэрнай эпохі «Паўстанне малп», які замыкае трылогію «Планета малп», пачнуцца 5 ліпеня ў ЗША, паведамляе Coming Soon.  Ужо зацверджаныя акцёр на першую «чалавечую» ролю – яе выканае Джэймс Франка, вядомы гледачам як Гоблін - антыгерой «Чалавека-Павука».

Выхад фільма ў пракат запланаваны на 12 чэрвеня будучага года.

Рэжысёрам праекта, у адрозненне ад першага рымейку «Планеты малп», стане не Цім Бэртан, а малады незалежны брытанскі рэжысёр Руперт В'ят.

Фота: starpulse.com