Пенсіянеру далі падробную тысячу, зробленую на струйным прынтары

Гомельскі пенсіянер звярнуўся на вуліцы да міліцыянтаў. Дзядулю занепакоіла тысячная купюра, якую ён некалькі дзён таму атрымаў у цырульні. На наступны дзень падчас правядзення экспертызы высветлілася, што грашовы знак намналам 1 тысяча рублёў - сапраўды падробка. Прычым вырабілі гэтую банкноту на струйным прынтары. 23 ліпеня гомельская міліцыя распачала крымінальную справу. Цяпер аператыўнікі высвятляюць, якім чынам купюра трапіла ў цырульню.

БелаПАН