Пераможцу “Еўрабачання” Марыю Шарыфавіч могуць пазбавіць звання пасла

Звання еўрапейскага пасла па пытаннях міжкультурнага дыялогу можа пазбавіцца сербская спявачка, пераможца “Еўрабачання-2007” Марыя Шарыфавіч.  Еўракамісія выказала занепакоенасць у сувязі з тым, што яна аказала падтрымку на прэзідэнцкіх выбарах кандыдату ад Сербскай радыкальнай партыі Таміславу Нікалічу.

Песня “Малітва”, з якой Шэрыфавіч перамагла на міжнародным песенным конкурсе, гучала на перадвыбарчых мітынгах нацыяналіста. Акрамя таго, спявачка публічна святкавала яго перамогу па выніках першага тура выбараў, у якім ён апярэдзіў “праеўрапейскага” кандыдата Барыса Тадзіча. 

Цяпер Еўракамісія вывучае “справу” Шарыфавіч: яе заявы, выступленні і г. д. Па выніках расследавання і будзе прынятае рашэнне пра магчымасць працягу Марыяй Шарыфавіч дзейнасці ў якасці еўрапейскага пасла.

РИА “Новости”