"Пінскдрэў" выдаткуе на абарону ад пажараў каля 8 мільярдаў рублёў
Пінскі гарвыканкам зацвердзіў план узмацнення супрацьпажарнай і супрацьаварыйнай абароны на ЗАТ "Холдынгавая кампанія "Пінскдрэў".
План распрацаваны гаррайаддзелам па надзвычайных сітуацыях сумесна з новым кіраўніцтвам холдынгу і складаецца з 655 пунктаў. Рашэннем выканкама гендырэктару Аляксандру Судніку даручана выканаць іх у тэрмін да 1 сакавіка 2012 года.
Суднік запэўніў, што зацверджаны выканкамам план будзе выкананы. На гэтыя мэты прадпрыемства накіруе каля 8 мільярдаў рублёў, паведамляе "Вечерний Брест".
