Расія вырашыла "ўзброіцца" досведам беларускіх дарожнікаў

Расійскія дарожнікі возьмуць на ўзбраенне досвед беларускіх калег у будаўніцтве, утрыманні і рамонце аўтамабільных дарог. Пра гэта заявіў міністр транспарту Расіі Ігар Левіцін падчас наведвання Беларусі.  Ён абмяркоўваў з міністрам транспарту і камунікацый Беларусі Уладзімірам Сасноўскім і іншымі беларускімі спецыялістамі актуальныя праблемы ўзаемадзеяння дзвюх краін у дарожна-транспартнай сферы.

Левіцін адзначыў, што ён здзіўлены пераважна добрым станам дарог у нашай краіне, інфармуе ИТАР-ТАСС.