Расійскі амбудсмэн пацікавіўся затрыманымі ў Мінску расіянамі

Упаўнаважаны па правах чалавека ў Расіі Ўладзімір Лукін абмеркаваў з амбасадарам РФ у Беларусі Аляксандрам Сурыкавым сітуацыю з затрыманымі ў Мінску расійскімі грамадзянамі.  Як гаворыцца ў паведамленні прэс-службы амбудсмэна, Сурыкаў запэўніў Лукіна, што амбасада робіць усе магчымыя захады для найхутчэйшага развязання гэтай сітуацыі.

Са свайго боку амбудсмэн запэўніў, што будзе працягваць сачыць за развіццём падзеяў.