Расійскі праваднік хуліганіў у цягніку на Століншчыне
У цягніку “Санкт-Пецярбург – Львоў”, які спыніўся на станцыі Гарынь на Століншчыне, пабіліся праваднік і начальнік цягніка.
Як піша газета “Навіны Палесся”, бойку учыніў праваднік, які быў нецвярозым і вельмі агрэсіўным. Дзяжурны па станцыі звярнуўся па дапамогу ў міліцыю.
Праваахоўнікі затрымалі хулігана і пасадзілі ў ізалятар часовага ўтрымання. А пра ягоныя паводзіны міліцыянты паведамілі ў Генконсульства Расіі ў Брэсце.
Фота — yahooeu.ru
