Распрацаваны план ліквідацыі пахавання пестыцыдаў каля латвійскай мяжы
Распрацаваны план ліквідацыі Верхнедзвінскага пахавання непрыдатных пестыцыдаў. Яго аўтарамі з’яўляюцца спецыялісты Міністэрства прыродных рэсурсаў і аховы навакольнага асяроддзя, а таксама беларускія эколагі. Гэтае пахаванне, размешчанае ў басейне Заходняй Дзвіны (у 8 кіламетрах
ад мяжы з Латвіяй), з’яўляецца адным з найбуйнейшых у Беларусі. Яго
стварылі яшчэ ў савецкія часы, каля 30 гадоў таму.
Спецыялісты мяркуюць, што існуе рэальная небяспека патраплення пестыцыдаў у ваду, бо ў 20 метрах ад яго знаходзяцца ручаі, якія ўпадаюць у раку Тур’я. Падчас веснавой паводкі ўся тэрыторыя пахавання заліваецца вадой.
Паводле распрацаванага плану, спачатку будуць зробленыя пробныя ўскрыцці Верхнядзінскага пахавання. Калі ўдасца высветліць, што пестыцыды можна дастаць з зямлі, іх, а таксама заражаную глебу адправяць для канчатковай утылізацыі.
Мяркуецца, што гэта будзе зроблена ў Фінляндыі. Беларускія ўлады і эколагі спадзяюцца, што сродкі на правядзенне гэтай аперацыі ўдасца атрымаць ад Еўрасаюза.
Нагадаем, што цяпер у Беларусі існуюць 7 пахаванняў пестыцыдаў. У адным з іх, якое размешчанае на тэрыторыі Брэсцкай крэпасці, ужо пачаліся ліквідацыйныя мерапрыемствы.
БелаПАН
Спецыялісты мяркуюць, што існуе рэальная небяспека патраплення пестыцыдаў у ваду, бо ў 20 метрах ад яго знаходзяцца ручаі, якія ўпадаюць у раку Тур’я. Падчас веснавой паводкі ўся тэрыторыя пахавання заліваецца вадой.
Паводле распрацаванага плану, спачатку будуць зробленыя пробныя ўскрыцці Верхнядзінскага пахавання. Калі ўдасца высветліць, што пестыцыды можна дастаць з зямлі, іх, а таксама заражаную глебу адправяць для канчатковай утылізацыі.
Мяркуецца, што гэта будзе зроблена ў Фінляндыі. Беларускія ўлады і эколагі спадзяюцца, што сродкі на правядзенне гэтай аперацыі ўдасца атрымаць ад Еўрасаюза.
Нагадаем, што цяпер у Беларусі існуюць 7 пахаванняў пестыцыдаў. У адным з іх, якое размешчанае на тэрыторыі Брэсцкай крэпасці, ужо пачаліся ліквідацыйныя мерапрыемствы.
БелаПАН
