145 магілёўцаў просяць улады прывесці ў парадак помнікі архітэктуры
Дамы №11 і №13 па вуліцы Лазарэнкі стаяць без гаспадароў і паступова разбураюцца.
З ініцыятывай збору подпісаў выступіў грамадскі актывіст Аляксей Паўлоўскі. Ён кажа, што неахайнае стаўленне да гістарычных аб’ектаў Магілёва псуе ягоны статус “культурнай сталіцы Беларусі і СНД”.
Падпісанты хочуць, каб у 2013 годзе быў распрацаваны графік увядзення будынкаў у эксплуатацыю, былі вызначаны генпадрадчык і субпадрадчыкі, пералічаны сродкі з фонду прэзідэнта на рэканструкцыю. Таксама яны прапануюць пакараць чыноўнікаў, якія давялі дамы да разбурэння.
Калектыўны зварот накіраваны ў Выканаўчы камітэт СНД, Адміністрацыю прэзідэнта, Дзяржкантроль, Магілёўскі гарвыканкам і БРСМ.
Фота — radzima.org
