24 сакавіка — Сусветны дзень барацьбы з туберкулёзам
Ён адзначаецца ў той дзень, калі нямецкі навукоўца Роберт Кох абвясціў пра зробленае ім адкрыццё ўзбуджальніка хваробы.
Гэта здарылася ў 1882 годзе і з таго часу медыцына значна прасунулася ў барацьбе з ёй, 95% хворых цалкам вылечваюцца. Аднак зусім выкараніць туберкулёз немагчыма. Паводле звестак Сусветнай арганізацыі здароўя, штогод на планеце памірае ад сухотаў 1 мільён 600 тысяч чалавек.
