30-гадовую бяздомную жанчыну забілі ў Мінску
Цела ўраджэнкі Рыгі без пэўнага месца жыхарства знайшлі яшчэ 3 лютага ў кватэры непрацоўнага і раней судзімага 35-гадовага мінчаніна.
Як паведамілі БелаПАН у МУС Беларусі, у заключэнні судова-медыцынскай экспертызы ад 7 сакавіка сказана, што жанчына памерла ад механічнай асфіксіі.
Мяркуецца, што гаспадар кватэры задушыў сваю госцю ў часе сваркі. Дарэчы, яго раней судзілі за катаванні.
Падазраванага затрымалі, распачатая крымінальная справа.
