Алесь Пушкін: У турму мяне забралі з працы
Мастак Алесь Пушкін 17 снежня выйшаў з турмы на Акрэсціна.
Нагадаем, што творцу асудзілі на 12 сутак арышту за акцыю з партрэтам героя антысавецкага супраціву Расціслава Лапіцкага.
Па словах Пушкіна, якія перадае сайт БХД, яго затрымалі пасля акцыі на працы. Калі Алесь прыйшоў на працу, яго папярэдзілі, што яго зараз забяруць, і параілі ўцякаць. Але мастак адмовіўся ад гэтай прапановы.
У ізалятары Пушкін прачытаў зборнік твораў Адама Станкевіча і заявіў, што яго ідэі актуальныя і сёння. Таксама ён падзякаваў усім, хто прыносіў перадачы ў турму.
Фота — news.vitebsk.cc
