Аляксандрам Глебам зацікавіўся "Ліверпуль"
Англійскі клуб хоча набыць беларускага паўабаронцу Аляксандра Глеба.
Пра гэта паведамляе сайт Goals.by са спасылкай на брытанскія СМІ. "Ліверпуль" змагаецца за беларускага футбаліста з "Куінз Парк Рэйнджэрс".
Аляксандр Глеб пакуль яшчэ належыць "Барселоне", згодна з кантрактам. Гэты клуб можа даць беларусу статус вольнага агента. Паведамляецца, што футбаліст гатовы прыняць гэтую прапанову, каб працягнуць кар'еру ў англійскай прэм'ер-лізе.
Раней паведамлялася, што Глебам цікавяцца "Галатасарай", "Твентэ" і маскоўскі "Лакаматыў".
