Апазіцыянеры прапаноўвалі міліцыянтам "валянцінкі", тыя адмовіліся
У Брэсце сябры Беларускай сацыял-дэмакратычнай партыі (Грамада) раздавалі мінакам святочныя паштоўкі.
Вось што распавяла старшыня гарадской арганізацыі Ганна Канюс:
"Мы раздавалі паштоўкі з сімволікай нашай партыі, з сэрцам і ружамі. Кожны, хто праходзіў міма, нават жанчыны сталага веку, добра да нас ставіліся. Дзякавалі. Было вельмі цёпла, нягледзячы на марознае надвор'е"
Быў і нарад міліцыі. Ад "валянцінак" праваахоўнікі адмовіліся, прайшлі міма ў паскораным тэмпе, сказала спадарыня Канюс.
Агулам было раздадзена больш за трыста паштовак і шарыкаў.
