Азаранка і Мірны правядуць матчы парных разрадаў на "Ралан Гарос"
На адкрытым чэмпіянаце Францыі па тэнісе два прадстаўнікі Беларусі правядуць сёння матчы ў парных разрадах.
Як паведамляе БЕЛТА, у спаборніцтвах жаночых дуэтаў Вікторыя Азаранка і расіянка Марыя Кірыленка ў 2-м раўндзе згуляюць з Рэнатай Вараковай (Чэхія) і Галінай Васкабоевай (Казахстан). Саперніцай Азаранкі ў 3-м крузе адзіночнага разраду будзе італьянка Раберта Вінчы.
У змяшаным разрадзе беларус Максім Мірны і расіянка Алена Весніна ў стартавым матчы згуляюць з інтэрнацыянальным дуэтам Су-Вей Ксі (Тайвань) - Марыюш Фірстэнберг (Польшча).
Акрамя таго, Максім Мірны і канадзец Даніэль Нестар выйшлі ў другі раўнд мужчынскага парнага турніру. Там яны сустрэнуцца з італьянскім тандэмам Фабіё Фаньіні - Філіпа Валандры.
