"БАЖ" просіць аб змякчэнні рэжыму "хатняга арышту" для Ірыны Халіп
Старшыня "БАЖ" Жанна Літвіна і яе намеснік Андрэй Бастунец дамагаюцца сустрэчы з Ірынай Халіп, а таксама змякчэння рэжыму "хатняга арышту".
Адпаведны ліст накіраваны сёння ў ГУЎС Мінгарвыканкама, паведамляе прэс-служба "БАЖ".
Як тлумачыцца ў лісце, перавод з СІЗА пад "хатні арышт" у дадзеным выпадку азначае замену адной турмы на іншую. Бо Ірыне пасля "вызвалення" забаронена падыходзіць да вокнаў, чытаць прэсу, выходзіць у інтэрнет.
Як кажа Літвіна, "мэта нашага ліста — змякчыць рэжым утрымання Ірыны і дамагчыся, каб ёй дазволілі зносіны з навакольным светам, і ў прыватнасці, кантакты з калегамі".
