Беларусь павялічыць здабычу нафты ў Венесуэле

Пра гэта 16 сакавіка паведаміла прэс-служба ВА "Беларуснафта".

Павелічэнне здабычы нафты складзе 600 тысяч тон у параўнанні з 2010 годам, а спадарожнага газу — 320 млн куб. м. Далейшае развіццё беларуска-венесуэльскага СП абумоўленае прадстаўленнем яму дадатковых радовішчаў. Цягам 2010 года была атрыманая ліцэнзія на здабычу газу ў шасці радовішчах, а ў снежні дэкрэтам прэзідэнта Венесуэлы Уга Чавеса былі перададзеныя яшчэ два нафтавыя радовішчы.