Беларусь выплаціла 530 мільёнаў долараў па вонкавых дзяржпазыках
Гэтыя грошы наша краіна выплаціла за першыя два месяцы 2013 года.
Такую лічбу падчас прамой лініі назваў міністр фінансаў Андрэй Харкавец, перадае БЕЛТА. Па яго словах, у красавіку маюць быць чарговыя плацяжы. Такім чынам, міжнародныя рэзервы краіны могуць змяншацца. Але паралельна, кажа Харкавец, ёсць і планы па іх папаўненні — гэта дадатнае сальда гандлёвага балансу і запланаванае прыцягненне рэсурсаў на вонкавых рынках. Таксама сёлета плануецца атрымаць 880 мільёнаў долараў у пятым і шостым траншах крэдыту Антыкрызіснага фонду ЕўрАзЭС.
Выдаткі па пагашэнні і абслугоўванні вонкавых пазык Беларусі ў 2013 годзе складуць больш за 3 мільярды долараў. Гэта амаль удвая перавышае вынік 2012 года.
Фота — belarus.by
