Беларуска-азербайджанская своп-схема запрацавала
"Укртранснафта" ўчора пачала перапампоўку азербайджанскай нафты ў Беларусь па нафтаправодзе Адэса — Броды. Аб гэтым паведамляецца на сайце кампаніі.
Танкеры з азербайджанскай нафтай прымае адэскі порт Паўднёвы. З тэрыторыі Украіны ў Беларусь нафта транспартуецца з выкарыстаннем нафтаправода Адэса — Броды і адной з дзвюх нітак нафтаправода "Дружба".
Пастаўкі нафты з Азербайджана распачатыя на падставе дамоўленасцяў паміж ЗАТ "Беларуская нафтавая кампанія", Дзяржаўнай нафтавай кампаніяй Азербайджана (SOCAR) і Венесуэлай. Азэрбайджанская нафта замяшчае венесуэльскую ў рамках своп-кантрактаў, перадае БелаПАН.
