Беларуска выйграла міжнародны конкурс па касметалогіі і эстэтыцы
Ён прайшоў у Санкт-Пецярбургу ў рамках фэсту прыгажосці "Неўскія Берагі".
Як паведамляе БелаПАН, у конкурсе ўдзельнічалі 94 спецыялісты з Беларусі, Казахстана, Літвы, Латвіі, Малдовы, Расіі, Украіны ды Фінляндыі. Усе ўдзельнікі былі падзеленыя на прафесіяналаў з досведам працы больш за год і маладых спецыялістаў са стажам працы меней за год.
Таццяна Барашкова выступала ў намінацыі "Прафесіяналы. Догляд за скурай твару". Яе канкурэнтамі былі 24 спецыялісты. Але перамога дасталася нашай суайчынніцы.
