Беларускім дзецям дазволілі размаляваць крэйдай БТР
Акцыю пад назвай “Мірны танк” Беларускі рэспубліканскі саюз моладзі зладзіў напярэдадні Міжнароднага дня абароны дзяцей.
З усіх рэгіёнаў краіны на своеасаблівае свята запрасілі дзяцей. Ім прыгналі сапраўдны БТР. Каб паказаць усяму свету, што ваенная тэхніка не павінна служыць для знішчэння людзей, арганізатары дазволілі дзецям размаляваць яго рознакаляровай крэйдай, паведамляе МДТРК “Мир”.
