Беларускую гандбалістку дыскваліфікавалі на год
У аналізах гандбалісткі з жаночай зборнай Валянціны Несцярук знайшлі сляды забароненага рэчыва — фурасеміду.
Допінг-тэст спартоўка здала ў траўні, калі была ў зборнай Беларусі. На працягу бліжэйшага года Несцярук не зможа выступаць ні за зборную Беларусі, ні за свой клуб СПР з польскага Любліна.
Фурасемід — дыўрэтычны сродак, які дапамагае выводзіць вадкасць з арганізма. Часта яго выкарыстоўваюць для маскіроўкі, каб схаваць сляды ўжывання іншых забароненых рэчываў. Але паводле звестак сайта goals.by, гандбалістка прымала фурасемід, каб паменшыць ацёк траўмаванага калена, і не ведала, што рэчыва лічыцца забароненым.
Фота — region.mogilev.by
