Блізка да Зямлі праляцеў астэроід, які мог разбурыць цэлы горад
10 сакавіка гіганцкі астэроід на шалёнай хуткасці пранёсся на адлегласці 950 тысяч кіламетраў ад цэнтру Зямлі.
NASA прызнае, што астэроід быў выяўлены толькі за некалькі дзён да яго максімальнага збліжэння з Зямлёй, і навукоўцы ўсяго свету і цяпер дакладна не ведаюць, адкуль астэроіды бяруцца.
Гэтае нябеснае цела мела дыяметр да 140 метраў — як хмарачос ці нават невялікі гарадскі квартал. Ён большы за чэлябінскі болід у 8 разоў. Калі б такі астэроід упаў на Зямлю, ён мог бы разбурыць цэлы горад, перадаюць інфармагенцтвы.
